Закрыть
Логин:
Пароль:
Забыли свой пароль?

Войти    

Тыва Иркутск облазындан уругларны уткуп алган

Тыва Иркутск облазындан уругларны уткуп алган 01.08.2019
Тыва Республиканың өөредилге болгаш эртем сайыдының бирги оралакчызы Светлана Ощепкова баштаан “Юность” уруглар лагериниң кижизидикчилери, аныяк армейжилер, Кижизидилге, корум-чурум профилактиказының төвүнден команда Иркутскдан ужуп келген оолдар, уругларны «Иркутск, Тыва сээң-биле!» чылыг сөстер-биле уткуп алган. 
Тыва Республиканың Баштыңы Шолбан Кара-оолдуң суг үерлээшкининге база амыдыралдың берге байдалынга таварышкан уругларга дузаны көргүзүп, деткиир дээн даалгазын күүседири-биле, Тыва Республиканың Өөредилге болгаш эртем яамызы Культура база Күш-ажыл болгаш социал яамылары-биле кады Иркутск облазындан келген 20 кижиге дыштанылганың тускай планын тургускан. 
20 хонуктуң дургузунда уругларны чымыштыг программа: культура-хөглээшкинниг хемчеглер, Кызылдың тураскаалдыг черлеринге селгүүстээшкин, Туран хоорайда сыын ажыл-агыйынче үнүүшкүннүг экскурсия манап турар. «Юность» дыштанылга лагеринге уруглар дыштанырлар.

Возврат к списку