Закрыть
Логин:
Пароль:
Забыли свой пароль?

Войти    

Тывага эртер Тиилелге чыскаалын Интернетке дорт дамчыдар

Тывага эртер Тиилелге чыскаалын Интернетке дорт дамчыдар 08.05.2019
Тыва Республиканың Чазаа доктаамал кады ажылдап чоруур эштежилгелери - «Тува 24» телеканал, Информастыг технологиялар төвү, «Тывахарылзааинформ» АН, РЦТО-биле май 9-та Тиилелгениң 74 чылынга тураскааткан чыскаалдың онлайн-дамчыдылгазын чорудар.
Тиилелге чыскаалының онлайн дамчыдылгазын Ленин кудумчузунда LED-экранга база Интернет четкизинге салыр. Интернет четкизинде gov.tuva.ru сайтыдан, социал четкилерде Тыва Республиканың Баштыңының арыннарындан, «Тува 24» ТК Youtub-каналындан дамчыдылганы көрүп болур. 
Тус чернии-биле 9.30 шакта онлайн-трансляция эгелээр. Байырлыг хемчег 9.45-те, Чазак бажыңының баарында Россия Федерациязы биле Тыва Республиканың күрүне туктарын көдүрери-биле эгелээр. Тиилелгениң 74 чылынга тураскааткан чыскаал 10.00 шакта эгелээр.
Тиилелгениң чыскаалында агаар кезээ бир дугаар киржир. Бо чылдың мартта тургустунган холушкак авиация эскадрильязы көргүзүг ужуудуушкуннарны кылыр. Кызылдың дээринге МИ-8 десант-транспорт вертолеттары база АН-26 шериг-транспорт самоледу ужудар. 
Ленин кудумчузунга 55-ки аңгы мото-адыгжы бригаданың (дагжы), ФАА-ның кызыгаар эргелелиниң, ИХЯ, ККФАЭ, ОБЯ КЭ, ФСПАЭ, ТывКУ-нуң шериг кафедразының, Кызылдың президентиниң кадет училищезиниң, Тываның кадет корпузунуң, «Юнармия» шимчээшкининиң тук бөлүктери база чыскаалчылары байырлыг марш-биле эртер. 55-ки аңгы мото-адыгжы бригаданың (дагжы) аъттыг-транспорт ротазының взводу чыскаалга аңгы киржир. Россияның Чепсектиг Күштериниң составында чүгле ийи ындыг рота бар.

Возврат к списку