Бо чылын Тываның Кадык камгалал яамызы 2500 хире уругну санаторлуг-курорт организацияларынга дыштандырар

Бо чылдың эгезинден бээр инвалид, өскүс, уруглар фтизиатрының учедунда база хөй ажы-төлдүг база долу эвес өг-бүлелерден 690 уруг санаторлуг-курорт эмнээшкинин алган. Олар «Шира хөл», «Белокуриха», «Вулан», «Карачи хөл», «Даг агаары», «Васильевский», Н.А. Семашко аттыг, «Пионер» уруглар санаторийлерге дыштанып, кадыкшылын быжыглаан. 

Конкурска даянгаш, «Шира хөл», «Тесь», «Красноярское Загорье» санаторийлер-биле уругларга санаторлуг-курорт эмнээшкининиң ачы-дузазын көргүзер күрүне керээлерин апрель 1-ге чедир чарган. Майдан ноябрьга чедир ол албан черлеринче 915 уругну дыштандырып чорудар. 

Бо чылын Тываның Кадык камгалал яамызы 2500 хире уругну санаторлуг-курорт организацияларынга дыштандырар.