Закрыть
Логин:
Пароль:
Забыли свой пароль?

Войти    

Тываның орук-транспорт сайыды Улуг-Хемни кежир улуг көвүрүгнү эде чаартыр ажылдарны хынаан

Тываның орук-транспорт сайыды Улуг-Хемни кежир улуг көвүрүгнү эде чаартыр ажылдарны хынаан 15.03.2019
«Восток» КХН тудуг организациязы ажылды айыттынган хуусаазында доозар дээш, дүн-хүн дивейн ажылдап турар. 
2019 чылдың март 14-те, Тыва Республиканың орук-транспорт сайыды Олег Бады «Восток» КХН-ниң чиңгине директору Сергей Уюсов-биле ужурашкаш, Кызыл хоорайда Улуг-Хемни кежир улуг көвүрүгнү эде тудар ажылдарның кайы хире чоруп турарын хынаан.  
Көвүрүг тудуунда ажылдар график езугаар чоруп турар. Амгы үеде эрги көвүрүгнү чаартыры-биле, чаа көвүрүгнүң 6 баганазын тургускан, таваан туткан черни быжыглаан, 180 метр черде эртер черни чыгган. Бо чоокку үеде, апрельде, белен баганаларга ам-даа 180 метр көвүрүг кежиин тудар. 
Олег Бады ажылдарны хынап көргеш, календарлыг графикти сагывышаан, кылып турар ажылдарны төлевилел езугаар шынарлыг кылырын сагындырган. С
ентябрьның баштайгы он хонуунда эрги көвүрүгнү хаггаш, чаа көвүрүглеп транспорт аймаа чоруп эгелээр ужурлуг. 
Ам чылып эгелээн болгаш, көвүрүгже кирер орукту катап кылып эгелээр, ынчангаш орук ажылдары доозулгужеге, шыдамаккай болурун республиканың чурттакчыларындан база аалчыларындан дилээн.
Улуг-Хемни кежир улуг көвүрүг Кызылдың кол транспорт өзээ кылдыр санаттынар. Ол хемниң ийи талазында чуртталга кварталдарын, шериг хоорайжыгажын база өске-даа чугула объектилерниң чедингирин хандырып турар. 2019 чылдың төнчүзүнде көвүрүг тудуу доосту бээрге, хоорайның транспорт харылзаазы, орук шимчээшкининиң айыыл чок чоруу экижиир.

Возврат к списку