Закрыть
Логин:
Пароль:
Забыли свой пароль?

Войти    

Тыва культураның төлээлери Бүгү-делегейниң кышкы универсиадазынга (Красноярск) киржир

Тыва культураның төлээлери Бүгү-делегейниң кышкы универсиадазынга (Красноярск) киржир 26.02.2019
Универсиаданың киржикчилери болгаш көрүкчүлери Тываның хөөмейжилерин дыңнап, тыва аъш-чемни амзап, улусчу ус-шеверлерниң чажыттарынга өөренир аргалыг. 
Марттың 2-ден 12 хүннеринде, Красноярскиге болуп эртер бүгү-делегейниң кышкы универсиадазында Сибирь регионнары боттарын таныштырар. 
Тыва ийи аңгы шөлчүгештерге ажылдаар – «Сибирь делегейи. Кыш» фестивалынга (март 3 - 5) база Универсиада парыгынга (февраль 28 - март 12). Тыва Республиканың делегация составында Тыва үндезин культура төвүнүң, Кызылдың уран чүүл колледжизиниң база Тываның Культура яамызының ажыл-агый эргелелиниң төлээлери кирген.  
Красноярск хоорайга эртер бүгү-делегейниң кышкы Универсиадазы-2019-туң «Сибирь делегейи. Кыш» фестивалы-биле «Сибирь» делегей чергелиг делгелге-ажыл-агый төвүнге ажылдаарлар. 
«Сибирь» делгелге-ажыл-агый төвүнге бүрүн дериттинген тыва өгнү тигер, аңаа мастер-класстарны эрттирип, суй-белектер продукциязын садар. Оон аңгыда «Аржаан-2» скиф алдынының хоолгазын, тыва идик-хептерни база национал хөгжүм херекселдерин делгээр.
Марттың 3-5 хүннеринде болур программада:  
«Тыва» аас-чогаал ансамблиниң (Тыва культура төвү), хөөмейжилер Артур Дамдын-оол, Мерген-Херел Чадамба, Айгор Көшкендейниң көргүзүү; 
чонар-даштан (агальматолит), ыяштан чазаарынга; алгыдан, сөөктен суй-белектер кылырынга; аъттың дериин, тыва бижектер кылырынга; хөөмей-сыгытка, тыва хөгжүм херекселдеринге ойнаарынга мастер-класстар (Тыва культура төвү); 
А.Б. Чыргал-оол аттыг Кызылдың уран чүүл колледжизиниң сургуулдары «Урянхай» модель агентилелиниң коллекциязын бараалгадыры кирген. 
2019 чылдың февраль 28-тен март 12-ге чедир - Универсиада парыгында хемчеглерге база киржир:  
ол хүннерде «Универсиада парыгында» Татышев ортулуунга бүрүн дериттинген тыва өг хондур-хүнзедир ажылдаар. Өгге тыва аъш-чем кылырынга, улусчу ус-шеверлел база ус-дарганнаашкынга мастер-класстарны планнаан. Экскурсоводтар Тываның тураскаалдыг черлерин, төөгүзүн база культуразын аалчыларга таныштырар. 
 ТР-ниң Культура яамызы

Возврат к списку