Февраль 5-те, Кызылга, тус черниң бараан бүдүрүкчүлериниң делгелге-садыглаашкыны болуп эртер
30.01.2019
2019 чылдың февраль 5-те, Кызылда Арат шөлүнге, чоннуң Шагаа байырлалының үезинде тус черниң бараан бүдүрүкчүлериниң делгелге-садыглаашкыны болуп эртер.
Ук хемчегни Кызыл хоорайның мэриязы биле Тыва Республиканың Экономика яамызы кады демнежип организастаар.
Садыгланыр черлерни ийи аңгы кезекке чарган: хөй-ниити чемненилге чери база тус черниң бараан бүдүрүкчүлериниң делгелге-садыглаашкыны. Делгелгеге тус чер бүдүрүкчүлериниң аъш-чемин, национал идик-хептерин, суй-белектер продукциязын, сарыг шажын эдилелдерин садар.
Республиканың сайгарлыкчыларын делгелге-ярмаркага киржиринче чалап тур! Делгелгеге канчаар киржирин дараазында телефондан билип ап болур: 3-27-61.
Возврат к списку
|