Закрыть
Логин:
Пароль:
Забыли свой пароль?

Войти    

Тываның Баштыңы «Московский комсомолец» солунга аалдап чораан

Тываның Баштыңы  «Московский комсомолец» солунга аалдап чораан 26.11.2018
Тываның Баштыңы Шолбан Кара-оол Москвага сургакчылап чорааш, ону шагда-ла чалаан «Московский комсомолец» солуннуң кол Павел Гусев-биле ужурашкан.  
Чугаа солун болгаш чылыг байдалга эртип, республикага чаңгыс-даа кээп көрбээн Гусевти улам сонуургаткан. Ынчангаш чурттуң эң тывызыксыг черлериниң бирээзинге келир чайын кээр чалалганы «Московский комсомолец» солуннуң удуртукчузу күзелдии-биле хүлээп алган.
«Үнелиг арга-дуржулгазы-биле солчуп, Тывада байдалды боду билип, чоок таныжыксаан күзели дээш, Павел Николаевичиге улуу-биле четтирдим. Ооң бодамчылаан, кижизиин магададым. Тывавыстың амыдыралында дыка хөй темаларны чаңгыс тыныш-биле сайгаргаш, ооң келир үезин боданып, ада-чурт журналистиказының мэтри, амгы үениң боорда хоочун үндүрүлгениң супер-удуртукчузун үнелиг лекциялары-биле республикага келирин дугуржуп аптывыс. Тываның башкыларынга, журналистерге, студентилерге мергежилдиң дугайында шупту чүүлдерни чугаалап бээринге ол белен» - деп, Шолбан Кара-оол блогунда шеф-биле танышканының, ооң бодалы-биле Россияда шыырак болгаш угаанныг солуннуң дугайында бодалын илереткен. 
 Республика Баштыңы «Московский комсомолец» солунга интервьюзунда авиа-аргыжылга, демир-орук тудуу, регионнар болгаш чурттар аразының автомобиль оруу дээш регионнуң эң чугула инфраструктура төлевилелдериниң дугайында чугаалаан.   Шолбан Кара-оол чугаа үезинде бир медээни база дыңнаткан – дыка үрде «дыштанган соонда» Тываның найысылалы биле Москва аразында дорт авиа-аргыжылга катап ажыттынар. 2019 чылдың февральдан Москва – Кызыл – Москва маршруттуг рейс доктаамал ужуп эгелээр.
 Шолбан Кара-оол байырлажып тура, «Московский комсомолец» солуннуң журналистери Тываже удаа-дараа кээп эгелээр боор деп бүзүрелин илерткен. Республика бодунуң бурунгу культуразындан эгелээш онзагай бойдус чурумалы-биле «Московский комсомолец» солунга сонуурганчыг информация төлевилели апарып, ол бүгүнү шинчилээринче хаара туда бээр боор деп санаан.

Возврат к списку