РФ-тиң камгалал сайыды Тываның чонунга, Россияның составынче республиканың киргенинден бээр 74 чыл болганы-биле байыр чедирген

REGNUM ИА-ның корреспондентизи, Россияның составынче республиканың киргенинден бээр 74 чыл болганы-биле Тываның чонунга Шойгу Ш. Кара-оол дамчыштыр байыр чедиргенин дыңнаткан. 

«РФ-тиң камгалал сайыды Сергей Кужугетович Шойгудан бүгү Тывага улуг байырны дамчыдып тур мен! Кара даң бажында (Москваныы-биле) менче долгааш, Россияның составынче республиканың каттыжып киргенинден бээр 74 чылы-биле шупту чонга байырны чедирген. Улуг акым-биле каш чылда эдержип чор мен, ол хүннү кажан-даа утпайн, кезээде демдеглеп чоруур кижи» - деп, Шолбан Кара-оол октябрь 11-де, социал четкиде бодунуң арынында бижээн. 

Октябрь 11-де, Россияның составынче республиканың каттыжып киргениниң Тыва демдеглеп турарын сагындыраал.

 «Хүндүлүг чаңгыс чер-чурттуглар! ССРЭ биле Россияның совтавынче Тываның эки тура-биле каттыжып киргениниң хүнү - онза төөгүлүг хүн-биле силерниң шуптуңарга байыр чедирип тур мен. Бөгүн, октябрь 11-де, бистиң чонувустуң амыдыралында эргилделиг онза болуушкун болгандан бээр 74 чыл болган» - деп, Ш. Кара-оол, регионнуң чурттакчыларына байыр чедирип тур, демдеглээн.  

Сергей Шойгу — Тывага төрүттүнгенин, REGNUM ИА ооң мурнунда-ла дыңнаткан. Ол 1955 чылдың май 21-де Тыва АССР-ниң Чадаана хоорайга төрүттүнген. 

 regnum.ru