Закрыть
Логин:
Пароль:
Забыли свой пароль?

Войти    

Тываның Баштыңы дагын катап кем-херек үүлгедиишкиннеринге удур республика конференциязын эрттирерин саналдаан

Тываның Баштыңы дагын катап кем-херек үүлгедиишкиннеринге удур республика конференциязын эрттирерин саналдаан 20.09.2018
Сентябрь 19-та, Тываның Баштыңы Шолбан Кара-оол, СФО-да Саң-хөө хайгаарал албанының удуртукчузу Андрей Алексеевич Долбня болгаш корум-чурум камгалакчыларының база кожуун чагырга даргаларының киржилгези-биле, дагын катап кем-херек үүлгедир чорукка удур демисежир хемчеглерни сайгарып көрген. 
Каш удаа херек кылган кижилерни угаадып, олуруп чорааннарны сургап, аныяк-өскен ортузунга, ниитилелге оларның салдарын чавырылдырар дизе, школа директорларынга, кожуун даргаларының корум-чурум талазы-биле оралакчыларынга эр кижилерни томуйлап, Адалар чөвүлели ышкаш хөй-ниити институттарын ажылдадыр херек деп, Тываның Баштыңы сагындырган. 
«Бо үш кижи хоругдал черинден хосталган кижи-биле бир дугаарында ужуражыр. Кем-херек адаанче катап кире бербезин дээш, ажылдаар. Ол арга ажыктыг. Эгелээн ажылдарны кошкатпас, кем-херек үүлгедиишкиннериниң санын кызырар дээш, ол турушту черле салып болбас. Демиселдиң чаа арга-хевирлерин дилээр херек, ол айтырыг меңээ хамаарышпас деп бодаан ажыы чок» – деп, регион баштыңы чугаалаан.  
Чаңгыс эвес катап олуруп чораан кижилер – кемниг херектер болуушкуннарында күткүкчүлер ол.  
Тываның Баштыңы кем-херек үүлгедиишкини-биле шыңгыы демиселди чорудар дизе, чаа оруктарны, өске аргаларны ажыглаар херек деп санаан.  
Бо чоокку бир ай чартык хуусаа иштинде, Тываның Адалар Чөвүлелиниң ажыл-чорудулгазы-биле, кем-херек үүлгедиишкининге удур, ылаңгыя дагын катап кем-херектерни болдурбас талазы-биле республика конференциязын белеткээрин Чазактың Айыыл чок чорук департаментизинге республика баштыңы дааскан.

Возврат к списку