Закрыть
Логин:
Пароль:
Забыли свой пароль?

Войти    

Тывада пенсия назынында регион чиигелделери хевээр артар

Тывада пенсия назынында регион чиигелделери хевээр артар 07.09.2018
Пенсия хоойлужудулгазында өскерлиишкиннерни чымчадыр дээн президентиниң саналының соонда, Тываның Баштыңы Шолбан Кара-оол «Чер дугайында» хоойлуга эдилгелер киирер төлевилелге атты салган. 
2019 чылда пенсия назынын улгаттырганындан хамаарылга чокка, чурттаар бажың тудуп алыр чер участогун алырынга пенсионерлерге регион чиигелделерин хевээр арттырарын ол саналдаан. Шолбан Кара-оол Контактыда бодунуң арынынга, «Чугула!" дээн демдек-биле, хүлээп алганы шиитпирин дыңнаткан.  
«Чаңгыс демниг Россия» партиязының пенсионерлерге социал деткимчениң амгы хемчеглерин арттырар дээн саналынга даянып, Тываның Баштыңы Шолбан Кара-оол бодунуң инициативазын кылган.
 «Президентиниң кыйгырыының соонда, пенсионерлерге регион чиигелделери бар бистиң хоойлуларывысты эде көөрүн сайыттарга даастым. 2019 чылдың январь 1-ден пенсия назынын улгаттырарындан ол чиигелделерни уштуур ужурлуг. Бөгүн Дээди Хуралга, бирээде ындыг өскерилгелерни киирерин саналдадым. Ол дээрге, көдээ черлерде бистиң пенсионерлеривиске халас чер айтырыы-дыр. Суурларда 5 чылдан эвээш эвес үеде чурттап турар чер чок пенсионерлер чурттаар бажың тудуп алыр чер участогун садыглажылга чокка, халас ап болурун хоойлунуң эрги редакциязында бижээн. Пенсияже үнер назы-харны улгаттырган болганда, пенсиядан ол чиигелдени «арттырар» деп шиитпирледивис. Чаа-ла, Дээди Хуралче, «Чер дугайында» хоойлуже чогуур эдилгелерни чоруттум. 50 хар четкен херээжен, 55 хар четкен эр кижилер хуу бажың тудуунга халас черни алыр эргелиин ында айыткан. Азы өскерилгелер чер чиигелдезинге хамаарышпас. Ынчаар шын болур ужурлуг деп санаар мен» - деп, дыңнадыында бижээн. 
Тываның Дээди Хуралынче эдилгелиг хоойлу төлевилелин кииргенин ТР-ниң Юстиция яамызы тайылбырлаан. Бир эвес хоойлуну хүлээп аптар болза, 2019 чылдың январь 1-ден ол күш кирер.

Возврат к списку