Тываның күүсекчи эрге-чагырга органнарынга стажировкалаар аныяк специалистерни шилип алыр конкурс чарлаттынган

Тыва Республиканың Баштыңы Ш.В. Кара-оолдуң инициативазы-биле, мергежилдиг аныяк специалистер санындан республиканың күрүне органнарының шыырак кадрлар курлавырын хевирлээр системаны тургузар сорулга-биле, конкурсту эрттирип турар. 

Шилилдени чедиишкинниг эрткен стажер бүрүзү-биле бирден үш ай хуусаалыг күш-ажыл керээлерин чарар. «2017-2019 чылдарда күш-ажыл болгаш ажылга хаара тудары» күрүне программазының иштинде «Күш-ажыл рыногунда дүшкүүрлүг чорукту чавырылдырары» программа-биле стажерниң күш-ажыл төлевирин чорудар.  

Россия Федерациязының күрүне дылын билир, дээди эртемниг, 35 хар чедир назылыг, Россия Федерациязының хамаатызы конкурска киржип болур. Конкурс комиссиязынче дужаар документилерниң даңзызын http://gov.tuva.ru/content/2277/37577/ шөлүгде берген.  

Тыва Республика Баштыңының Администрациязының күрүне албаны болгаш кадрлар курлавыры айтырыглар талазы-биле департамент документилерни 2018 чылдың сентябрь 7-ге (ол хүнде база) чедир хүлээп алыр.