Закрыть
Логин:
Пароль:
Забыли свой пароль?

Войти    

Тываның Тожу кожуунга биче буурай үндезин чоннарның хүннери эртер

Тываның Тожу кожуунга биче буурай үндезин чоннарның хүннери эртер 02.08.2018
Биче буурай үндезин чоннарның хүнүн байырлаар программада конкурстар, маргылдаалар, «төгерик стол», семинарлар база эмчи шинчилгези кирген. 
Азас хөлдүң эриинге «Ивиниң самын» теверинге флешмоб, экологтуг акция, Сибирьниң биче буурай үндезин чону тожу-тываларының община семинары аныяктарны хаара тудар. Спортчу солун маргылдаалар база болур. «Тожунуң байлаа» – эң-не улуг хемчээлдиг байырлал. 
Tожу кожуунга биче буурай үндезин чоннарның делегей хүнүн демдеглээри 
Август 9-та 
«Биче буурай чон – тожу тываларынга өөредилге чорудуун организастаарының онзагайы» деп «төгерик стол» – Тоора-Хем суурнуң ортумак ниити билиг школазынга. 
 Август 9-10  
Тоора-Хем суурже «Кадыкшыл оруунуң база Ырбан суурже эмчилерниң көжүп чоруур бригадазының үнүүшкүнү. 
 Август 9-11  
Көдээ ажыл-агый продукциязын бүдүрүп-саарып турар хуу сайгарлыкчыларга «Меркурий» федералдыг күрүнениң информация системазынга бүрүткедиринге база «Күрүнениң база муниципалдыг хереглелдерни хандырар барааннар, ажылдар, ачы-дузалар садыглаашкынының адырында контракт системазының дугайында» №44 федералдыг хоойлуда өскерлиишкиннер талазы-биле өөредилге семинары. 
 Август 10 
- Сибирьниң биче буурай үндезин чоннарының общиналар ассоциациязының аныяктары – «Тос-Чадыр» тожу тываларынга семинар – Азас хөлдүң эриинге. 
- «Арыг эриктер» экологтуг акция – Азас хөлдүң эриинге.  
- «Ивилер самы» флешмоб база Азас хөлдүң эриинге «Найыралдың одаан» кыпсыры. 
- Резин хемелерге чарыш – Азас хөлдүң эриинге. 
 Август 11 
- «Тожунуң байлаа» байырлал. Программада: «Балык байырлалы», «Тожунуң балык мүнү» фестиваль, вареньелер делгелге-садыглаашкыны, шай шөлүнүң ажылы – Тоора-Хем суурга. 
- Тыва национал чем – далганнар быжырарынга мастер-класс, эм оъттар садыглаашкыны, эм оът чыыкчыларының мастер-клазы – Тоора-Хем суурда «Алаак» деп черге.  
- Спортчу хемчеглер: ча адарынга, одагны дүрген отчударынга маргылдаалар – Тоора-Хем суурда «Алаак» деп черге.

Возврат к списку