Закрыть
Логин:
Пароль:
Забыли свой пароль?

Войти    

Тывада чаа школа-интернатты ажыдарынга белен

Тывада чаа школа-интернатты ажыдарынга белен 14.05.2018
Тываның Улуг-Хем кожуунунуң Ийи-Тал суурда 2017 чылда тудуп эгелээн чаа школа ээлерин – башкыларын болгаш өөреникчилерни хүлээп алырынга бүрүнү-биле белен. 
ТР-ниң Өөрдилге болгаш эртем яамызы конкурс түңнели-биле чаа директорну тодарадыры арткан.  
Республиканың үш арга-дуржулгалыг болгаш алдарлыг башкылары – англи дыл башкызы Алексей Ширапай биле Кызылдың агролицей директору Резеда Тюлюш база Шагаан-Арыг хоорайдан башкы Екатерина Хаян олар ук албан-дужаалче кордап турарлар.  
Көдээ школаның удуртукчузунга ажылдаар күзелдиг кижилерниң шыырак составы - бо школаның онзагайында. Школа таарымчалыг бүгү-ле чүүлдер-биле дериттинген интернаттыг, аңаа чүгле ийи-талчылар эвес, а «Аныяк өг-бүлеге кыштаг» губернатор төлевилелиниң киржикчилери болур малчыннар ажы-төлүнүң өөренип чурттаары база көрдүнген. 
Эрге-чагырга школаның доозукчулары чурттуң кайы-даа дээди өөредилге черлеринче дужаап кирип алырын чедип алыр дээш өөрениринге, чурттаарынга үлгерлиг байдалдары тургузарын планнаан. 
Ынчангаш Тываның Баштыңы Шолбан Кара-оол школа-интернаттың тудуун, коллектив хевирлээшкинин, директор шилилгезин бодунуң контролюнда алган. Чазак Даргазы ажыл-албаны чай чок-даа болза, үш кордакчы-биле ужуражып, чугаалашкан. 
«Конкурстуң тиилекчизинге Ийи-Тал суурда чаа школаны бүзүрел-биле дамчыдып бээр бис. «Аныяк өг-бүлеге кыштаг» төлевилел боттаныышкыны-биле чаагайжыттынган школа-интернатты сентябрь 1-де ажыдып, 176 өөреникчиниң 50-инге төлевилел киржикчилери болур малчыннарның ажы-төлүн бүгү Тывадан хүлээп алыр» - деп, Тываның Баштыңы бодунуң блогунда школаның келир үедеги чажыдын ажыткан. Комплекс боду столоваялыг, теплицалыг, чүгле күш-культура кичээлдерин эрттирер эвес, а суур чергелиг маргылдаалар эрттирер улуг спорт залдыг.  
Ийи-Тал суурнуң эрги школазы спорт залы безин чок турганын сагындыраал. Тываның Баштыңы ол объектини тударынга федералдыг бюджеттен 300 млн. рубльди тускайлаарын чедип алган соонда, школа тудуу эгелээн.

Возврат к списку