Тывада оолдар этиленгликоль-биле хораннанганы тодараан

Улуг-Хем кожууннуң Торгалыг суурда элээдилерниң хораннанган чүүлүн тодараткан экспертиза, этиленгликоль болганын түңнээн.  

Суук чүүлдү ишкен оолдар, ооң амданы чигирзиг болгаш үстелчек болганын харыылаан.

 Хыналданың түңнели-биле оолдарның чугаазы дүүшкен. Этиленгиколь шынап-ла чигирзиг амданныг, ону арыглаптарга, өң чок, үстелчек суук чүүл болур. 

Найысылалдың эмнелгелеринде хораннанган тос оол чыдар. Тываның Кадык камгалал яамызы «оолдарның байдалы турум» дээрзин дыңнаткан.