Закрыть
Логин:
Пароль:
Забыли свой пароль?

Войти    

Тываның Баштыңы: Азия чурттарынче ужудуушкунда Кызылдың аэропорту белдир апаар

Тываның Баштыңы: Азия чурттарынче ужудуушкунда Кызылдың аэропорту белдир апаар 16.04.2018
Кызылдың аэропорту Азия чурттарынче чүък сөөртүлгезиниң белдири апаар чадавас. Красноярскиниң экономиктиг форумунуң үезинде (КЭФ) Тываның Баштыңы Шолбан Кара-оол ТАСС-ка ооң дугайында дыңнаткан.  
"Дыка улуг эвес-даа болза, чүък терминалын Кызылга тургузар арга бар. Россияның эң кыдыг чери – Кызылда аэропорт таварты азий диптиң өске талазынче ужуп чоруп болуру, факт-тыр» - деп, Кара-оол чугаалаан. 
Аэропорттуң ужудуп-хондурар шөлүн эде чаарткан соонда, чаа шөлге хондуруушкуннар февраль айда-ла эгелээн. Чырык дериг-херекселдерин эптээри июньда доостур. Оон Тываның кол авиа хаалгазын ажыдарынга «бюрократчы ажылдарны» кылыры артар деп, регионнуң баштыңы демдеглээн.  
Тываның чазааның парлалга албаны, 2018 чылда Кызыл - Улан-Батор (Моол) рейсти ажыдары планнаттынган, база ол ышкаш Кызыл - Пекин база Кызыл – Урумчи авиамаршруттарны организастаар талазы-биле авиакомпанияларны хаара тудар ажылдар шапкынчаан деп, ТАСС-ка тайылбырлаан.  
Аэропортту эде чаартыр ажылдар эрткен чылын эгелээн. 2016-2017 чылдарда 1,05 млрд рубль хемчээлдиг инвестицияны аэропорттуң ужудуп-хондурар шөлүн чаартырынче кирген. "Россияның транспорт системазын хөгжүдери" федералдыг тускай сорулгалыг программа-биле «Аэропорт комплекизин эде тудары (Кызыл хоорай)" инвестиция төлевилели боттанып турар.

ТАСС

Возврат к списку