Закрыть
Логин:
Пароль:
Забыли свой пароль?

Войти    

Тывадан 16 оолдар, уруглар Кремль елказынче аъттаныптар

Тывадан 16 оолдар, уруглар Кремль елказынче аъттаныптар 29.11.2017
 Декабрь 29-та Кремль ордузунга болур бүгү-российжи Чаа чыл елказынга киржир оолдар, уругларны шилиири Тывада доозулган.  
 ТР-ниң Өөредилге яамызы организаторларның айытканы-биле, өөредилгениң тергииннерин, конкурстар болгаш олимпиадалар тиилекчилерин, социал камгалалы кошкак өг-бүлелерден, «изиг» точкаларга чок болган дайынчылар ажы-төлүн шилип алганын дыңнаткан. 
 Конкурсту ийи чадага эрттирген: баштай муниципалитеттерге, оон – Елкага киржир чалалга алган культура, иштики херектер, аныяктар, өөредилге болгаш эртем яамыларынга база Өг-бүле болгаш уруглар херектериниң талазы-биле агентилелге. 
 4 киржикчи чорудар ТР-ниң Өөредилге болгаш эртем яамызының комиссиязы 12 көдээ школалардан база республиканың кадеттер школа-интернадындан 15 кандидатты шилип алган. Комиссия төнчү шиитпирни үндүрерде, кордакчы бүрүзүнүң портфолиозун өөренип көрген. Делегатты шилип алырда, өөредилге болгаш хөй-ниити ажылындан аңгыда, Кремль елказында бодунуң төлээлерин эрткен чылын кайы минуципалитет чорутканын база өөренген.  
 Тываның Өөредилге яамызы чурттуң кол елказынга киржир квоталарны Кызыл хоорайның 5 дугаар гимназиязының тергиин өөреникчизи Саюди Оюнга, регионнуң эң-не ыраккы кожууннары – Мөңгүн-Тайга, Тере-Хөл база Тожудан - Дайлана Лама, Меңги Данаа база Милена Салчакка тывыскан. Москвага Чаа чыл байырлалынга киржир арткан киржикчилерни база ындыг негелделер-биле шилээн. Харыысалгалыг ведомстволарның специалистери, эмчи база ИХЯ ажылдакчызы уругларны орук-суурга үдеп чоруур.

Возврат к списку