Закрыть
Логин:
Пароль:
Забыли свой пароль?

Войти    

Россия Федерациязының Камгалал яамызы «Тыва – эрес-дидим чоруктуң девискээри» губернатор төлевилелин деткээн

Россия Федерациязының Камгалал яамызы «Тыва – эрес-дидим чоруктуң девискээри» губернатор төлевилелин деткээн 09.06.2017
 Россия Федерациязының Камгалал яамызындан, камгалал эргелеп-башкарылга төвүнүң удуртукчузу Михаил Мизинцевтен «Тыва – эрес-дидим чоруктуң девискээри» төлевилелди боттандырып турары дээш өөрүп четтириишкинниг чагааны Тываже чоруткан:
 «Боттарының өгбелериниң алдарлыг езу-чаңчылдарын утпайн, ону нептередир дээш шупту чүвени кылып чоруур кижилерни магадаар бис. Ол дээш аныяктарны хаара тудуп, оларны шериг-патриотчу шимчээшкинче эвилелдээр дээниңер кончуг шын. Бөгүн, Интернет сайзыраан үеде, аныяктарны бүгү талазындан багай медээлер шыва алы бергенде, ону кылыры ындыг-ла амыр эвес. Ындыг болзажок, Тыва Республиканың удуртулгазы улуг хүндүткелге төлептиг-дир.  
 Россия Федерациязының Камгалал яамызының мурнады көөр угланыышкыннарының бирээзи – аныяктарның шериг-патриотчу кижизидилгезинге хамааржыр «Тыва – эрес-дидим чоруктуң девискээри» төлевилелди Россия Федерациязының камгалал эргелеп-башкарылгазының национал төвүнүң командылал чери болгаш шупту шериг албанныглары бүрүнү-биле деткип тур». 
 Москвадан ырак эвесте музей экспонаттарын делгээн, төөгүлүг чүүлдерни көргүскен болгаш спортчу маргылдааларны эрттирип турар «Патриот» шериг-патриотчу паркты ажытканын генерал-полковник Михаил Мизинцев дыңнаткан. «Тыва – эрес-дидим чоруктуң девискээри» губернатор төлевилели-биле эртип турар оюннарның тиилекчизи команда «Патриот» паркка баар эргени ап болур.

Возврат к списку