Закрыть
Логин:
Пароль:
Забыли свой пароль?

Войти    

Тываның Баштыңы Аныяктар ордузунуң тудуун дооозарынга инвестиция киирер кылдыр бизнести чалаан

Тываның Баштыңы Аныяктар ордузунуң тудуун дооозарынга инвестиция киирер кылдыр бизнести чалаан 18.04.2017
 Тываның Чазаа бюджеттиң кызырылганын барымдаалааш, Кызыл хоорайда Аныяктар ордузунуң тудуун доозарынче бизнести киириштирерин шиитпирлээн.  
 ТР-ниң Экономика яамызы сайгарлыкчыларга ордунуң оран-савазында планнаттынган национал аъш-чем ресторанының тудуун доозарынче инвестицияны киириштирерин сүмелээн. Күрүне-хуу эштежилге негелдези-биле төлевилелге киржир күзелдиг кижи 757,8 дөрбелчин метр ниити шөлдүг, 170 олуттуг ресторанның бир ээзи бооп болур.
 Тываның Баштыңы Шолбан Кара-оол 2012 чылдан бээр доозулбастаан тудугну доозар дээш бизнести киириштирер саналды кииргенин, республиканың экономика сайыды Елена Каратаева дыңнаткан. 2014 чылда объектини дужааарын планнаан турган, ындыг болзажок чүгле иштики ажылдары база чырыкка кожары арткан тудугнуң акшаландырыышкын хемчээлин кызырганындан, ол ара турупканын сагындыраал.
 Ресторанны ажыглалга киирерде 12,5 млн. рубль ниити хемчээлдиг инвестиция херегин специалистер санаан. Ооң 5 млн. рубли-биле иштики шеверлел ажылдарын кылыр болза, артканы-биле технологтуг дериг-херекселдерин садып, оларны кожуп, эптээр. Аныяктар ордузунуң тудуун доозар төлевилелче кады эштежилге дугайында республика Баштыңының саналын регионнуң сайгарлыкчылары сонуургап эгелээн: баштайгылар чагыгларны киирген, тускай комисияга ону көөр.  
 Национал аъш-чемниг ресторан - ордунуң чүгле кезии дээрзин сагындыраал. Ордуда оон аңгыда бадылажылга залы, 160 олуттуг конференц-зал, Тываның девискээринден тывылган, 16 век хире назылыг археологтуг тураскаалдар – даш көжээлер делгелге павильону база турар. ТР-ниң Экономика яамызының Сайгарлыкчы чорукту хөгжүдер департаментиниң (39422)2-17-67 телефонун азы bizness.tuva@mail.ru электроннуг почта таварыштыр төлевилелге киржириниң негелдезиниң дугайында медээлерни билип ап болурун сайгарлыкчыларга дыңнадып тур.

Возврат к списку