Декабрь 12-де Тываның шупту яамылары болгаш ведомстволары хамаатыларны хүлээп алыр

 Россия Федерациязының Президентизиниң даалгазы езугаар, 2013 чылдың декабрь 12-ден эгелеп чылдың-на, Россия Федерациязының Конституция хүнүнде, тус чернии-биле 12 шак 00 минутадан 20 шакка 00 минутага чедир Хамаатыларны хүлээп алырының бүгү-российжи хүнүн эрттирип турар. Республиканың яамыларында хүлээп алыышкынче бодун шынзыткан документини (паспортун) көргүскеш, оочур чуруму-биле кирип болур.  

 http://ссту.рф/ сайт таварыштыр хуу хүлээп алыышкынга бижидип база болур. Ол порталдан чогуур органнарның дугайында – долу ат-сывын, ажыл-чорудулгазының угланыышкынын, харыылап болур эргелерин болгаш адырын, турар черин болгаш адрезин; бүрүн эргелиг кижилерниң фамилиязын, адын, адазының адын болгаш ооң харыылаар эргелерин; харылзааның каналдарын (телефоннарын, электроннуг почтазын), хүлээп алыр хүннерин болгаш ооң графигин билип ап болур.