РФ-тиң Чазаа бюджеттиң дең чоруун чедип алыры-биле Тывага дузалаар

 Бюджеттиң турум чоруун камгалаары-биле федералдыг эрге-чагыргадан саң-хөө дузаламчызы бээр 44 регионнуң санынче Тыва база кирген. 

  Июльдуң 13-те Дмитрий Медведевтиң ат салганы РФ-тиң чазааның шиитпири езугаар, республика бюджединиң таарымчалыг чоруун хандырары-биле дотация кылдыр 135,5 млн. рубль акшаны шилчиткен. «Регионнарга ол акшалар боттарының бирги чарыгдалдарының акшаландырыышкынынче үнер ужурлуг» деп Россияның Чазааның даргазы тайылбырлаан. 

  Регионнар бюджединиң чедишпес чоруун чок кылырынга, бюджет адырының ажылдакчыларының күш-ажыл төлевирин улгаттырарынга, ниитизи-биле 20 млрд. рубльди үлээнин, Чазактың сайтызы дыңнаткан