Закрыть
Логин:
Пароль:
Забыли свой пароль?

Войти    

Өг-бүлениң чаагай чоруунуң деңнели-биле 85 регионнуң аразындан Тыва 37-ги черни ээлээнин российжи эксперттер түңнээн

Өг-бүлениң чаагай чоруунуң деңнели-биле 85 регионнуң аразындан Тыва 37-ги черни ээлээнин российжи эксперттер түңнээн 03.06.2016
 "Россия сегодня" медиа бөлүктүң аналитиктериниң түңнели-биле алырга, тыва өг-бүлелерниң амыдырал байдалы экижээн. 85 регионнарның аразындан Тывада амыдырал-чуртталганың деңнели-биле 39-ку черден 37-ги черже көдүрүлгенин РИА-ның чоруткан рейтинг талазы-биле шинчилелдери бадыткаан.
  Июнь 2-де парлаттынган рейтингиниң авторлары, регионда шалың төлевириниң ортумак деңнелин ап турар ийи ажы-төлдүг ада-иениң акшазындан, амыдырап-чурттаарының кудуку хемчээлин казып кааптарга, арта бээр артыкшылдыг акшазының санын ооң үндезининге алган.
 Ямал-Ненец автономнуг округда (ЯНАО), Чукоткада база Москвада, ооң мурнунда ышкаш, амыдырал-чуртталга бедик деңнелдиг бооп арткан. Сибирьниң регионнары — Красноярск край, Иркутск область, Томск область база Хакасия оон арай кудуку - 17-ден 20 дугаар черлерде. Рейтингиниң бирги чартыында Омск биле Кемерово областар, Забайкалье, Бурятия кирген. Тыва 37-ги черде. Новосибирск область - 53, Алтай Республика — 73, Алтай край — 82-ги черлерни ээлээн. Даңзының эң сөөлүн Псков область төндүрген. 
 Россияның дыка хөй регионнарында өг-бүлелер артыкшылдыг акшазы-биле регионундан дашкаар дыштанып, аар өртектиг барааннарны, чурттаар черлерни болгаш өске-даа чүүлдерни садып алганын эксперттер демдеглээн. 2015 чылда экономиктиг кризистиң салдары өг-бүлелерге чугула чүүлдерни садып алыр хостуг акша курлавырын кызырган.

Возврат к списку