Россияның Президентизи-биле ужуражылганың түңнелдериниң дугайында Тываның Баштыңы КТРК «Тыва» телеканалга интервьюну бээр

 Март 12-де, эртенгиниң 8 шак 10 минута турда, Тываның Баштыңы Шолбан Кара-оол-биле интервьюну «Россия 1» телеканалда КТРК «Тыва»-ның дамчыдылгазындан көрүп болур. 

  Март 3-те Россияның Президентизи-биле ужуражылганың түңнелдериниң дугайында, регионнуң баштыңы компанияның удуртукчузу Андрей Чымба-биле чугаа үезинде тодаргайы-биле таныштырар.

 Күрүне баштыңы-биле кадр артынга кандыг айтырыгларны сайгарып чугаалашканыл, Тываның хөгжүлдезинге чугула айтырыгларны шитпирлээринге Президентиниң деткимчези бар бе, ол ужуражылгада Тыва Республиканың Баштыңының хуусаа бетинде соңгулдаларының дгуайында чугаа болган бе? 

 Андрей Чымбаның бодалы-биле алырга, бөгүн ол болгаш өске-даа айтырыгларны журналистер ниитилежилгези сонуургап турар. Аңаа харыыларны, КТРК «Тыва» телеканалга интервьюдан, март 12-те 08 шак 10 минутада турда, дыңнап болур.