Тываның чазааның кежигүннери чаа 2016 чылды чон-биле ужуражылгалардан эгелээр ужурлуг
12.01.2016
Тываның Баштыңы Шолбан Кара-оол понедельникте, аппарат хуралында, муниципалдыг тургузуглар-биле видеоконференция харылзаазының үезинде шак ындыг негелдени тургускан.
2016 чылда адырлар аайы-биле чугула айтырыгларны илередип, ону шиитпирлээр аргаларны тывары-биле, чон чыылган черлерде кижилерниң санал-оналын шиитпирлер үндүрерде удуртулга болдурарын, республика баштыңы айыткан.
«Өрээлдеринге хагдынып алгаш, шимээн чок черге бир-ле чүүл боданып олурбайн, чон-биле дорт харылзааже үнери - силерниң хүлээлгеңер-дир. Хөй-ниитиниң айтырыгларын ажык-чарлыг болгаш дем-биле көөр херек» - деп, республика баштыңы даалганы берген.
Возврат к списку
|