Тывада «соңгу чүк» хөмүрүн чедирери адакталган

 Тываның барык-ла бүгү девискээринде, Соңгу чүкке деңнештирген кожууннарже, бо кыштың одалга сезонунда бюджет албан черлериниң хереглелиниң хөмүрүн планныг хуусаада сөөртүп чедирери адакталган. Республиканың Чазаанга ооң дугайында мониторингиниң түңнелдерин ТР-ниң Чылыг болгаш энергетика яамызы илеткеп, чедери берге ыраккы чурттакчылыг суурларны кадыг одаар чүүл-биле хандырары-биле регион бюджединден 70 хуу чарыгдалды кылганын дыңнаткан. 

 Тывада соңгу чүкке деңнештирген 28 суур бар. Одалга сезонунда хөмүр-дашка хереглели - 16,2 муң тонна. Чылыг болгаш энергетика яамызының медээзи-биле алырга, «соңгу чүк» хөмүрүн сөөртүп чедиреринге республика чазааның тургусканы хуусаазынга чедир бюджет албан черлериниң санында 125 хереглекчилерниң шыгжамырында 15,7 муң тонна хөмүр, азы кышкы хереглелдиң 97 хуузу бар. Тываның дөрт кожуунунда – Эрзин, Өвүр, Бай-Тайга база Мөңгүн-Тайгада «соңгу чүк» суурлары графиктен бичии-ле озалдаан, ынчалза-даа ноябрь 1-ге чедир хөмүр-дашты бүрүнү-биле чедирерин яамының специалистери шынзыткан.

  2015 чылда Тываның чедери берге ыраккы суурларынга хөмүр сөөртүп чедиреринге республика бюджединден 38,2 млн. рубльди аңгылаан. «Соңгу чүк» сөөртүлгезин хандырарынга тус чер чагыргалары 17 млн. рубльди кады акшаландырары көрдүнген.