Делегей аныяктарының «Евразияның интеллектуалдыг алдыны» I шуулганның кол эксперттери Тывада чедип келген

 Субботада, бо эртен, Кызылдың аэропортунга «Евразияның интеллектуалдыг алдыны» I шуулганның кол эксперттери ужуп чедип келгеннер. Шуулганны кол идип үндүрген кижи - Уралдың күрүнениң экономиктиг университединиң ректору Михаил Федоров база оларның аразында. Азияның төвүнче чалалганы чурттуң эң-не билдингир төөгүчү-шинчилекчизи, делегей харылзааларының талазы-биле көскү ажылдакчы, Россияның Хөй-ниити палатазының кежигүнү, «Даштыкы политиктиг шинчилелдер болгаш эгелээшкиннер институду» коммерцияга хамаарышпас автономнуг организацияның чиңгине директору Вероника Крашенинникова, «Россияның сайгарлыкчы аныяктарынга деткимче төвүнүң» директору болгаш Росаныяктарының төлээзи Артем Давыдов шуулганга киржир. Тывада Волгоград облазындан сенатор, РФ-тиң алдырлыг спорт мастери, олимпий чемпиону, чиик атлетикага делегейниң болгаш Европаның хөй дакпыр чемпиону Татьяна Лебедева аалдап келген. 

 Делегей шуулганынга Биче балгаш ортумак бизнес талазы-биле департаментиниң удуртукчузунуң оралакчызы Дмитрий Антипов Россияның Экономиктиг хөгжүлде яамызын төлээлээр. Бодунуң арга-дуржулгазын үлежири-биле РФ-тиң Федерация чөвүлелинде аныяк хоойлужулар палатазының даргазы, Липецк облазының Елец хоорайның депутады Виктор Конопацкий база келген. 

 Шуулганның активчи деткикчизи Орус географтыг ниитилелдиң күүсекчи директору Артем Манукянны, ОГН-ниң археология адырында Эртем чөвүлелиниң кежигүнү эксперт Наталья Соловьеваны, ОГН-ниң эксперт-аналитика ажылының департамент чөвүлекчизи Марина Захарова Тывада чедип келгеннер. 

 Темалыг шөлчүгештерге РФ-тиң камгалал сайыдының чөвүлекчизи Андрей Ильницкий, РУНУ-нуң юридиктиг институдунуң директору Олег Ястребов, РФ-тиң Федерация Чөвүлелиниң кежигүнү Оксана Белоконь, «Ногаан Россия» фондунуң директору Константин Курченков, тренер-консультант, корпоративтиг удуртулга адырында эксперт Виктор Горбунов олар ажылдаарлар.