Тываның Баштыңы: РФ-тиң Тугунуң хүнүнде күрүне сүлде демдектери чаа бедиктерни алыр

 Ооң дугайында Тываның Баштыңы Шолбан Кара-оол айыткан: «Демниг чон – ол дээрге бастырбаан Россия-дыр! Сөгүрбес бис, дүжүп бербес бис, туржур бис. Бистиң сүлде-сүзүүвүс бедии, нациявыс эртинези, чер девискээривистиң чаңгыс деми бар. Эң-не кол чүве - российжилерниң кайгамчыктыг деткимчези болгаш чугаа чок бүзүрелин чаалап алган эң-не күштүг лидерлиг бис. Бистиң күрүневистиң сүлдези бедик-ле болзун! Россия Федерациязының Тугунуң хүнүнде күрүне сүлде демдектери чаа бедиктерни алзын! 18 метр бедик тук киискидер черлерни албан-биле кылдывыс. Ам Кызылдың төп шөлүнге Россияның болгаш Тываның туктары чаазы-биле чалгыыр! Байырлыг ажыдыышкын10.00 шакта. Эрттирбеңер, өңнүктер. Туктуң байырлалы-биле! Ура!» – деп соцчеткилерде Шолбан Кара-оол бижээн.