Закрыть
Логин:
Пароль:
Забыли свой пароль?

Войти    

Тываның Баштыңы Алтай Республиканың Эл-Курултай күрүне чыыжының даргазы-биле ужурашкан

Тываның Баштыңы Алтай Республиканың Эл-Курултай күрүне чыыжының даргазы-биле ужурашкан 11.08.2015
 Тываның Баштыңы Шолбан Кара-оол Алтай Республиканың Эл-Курултай күрүне чыыжының даргазы, Алтай Республикада ЮНЭСКО херектериниң талазы-биле комиссияның баштаар чериниң даргазы Иван Белеков-биле ужурашкан. Тыва Республиканың Баштыңының шаңналы дээш «Хөөмей – Азия төвүнде» бирги бүгү делегей чергелиг фестивальга киржири-биле Алтай Республикадан келген албан езунуң делегациязын Иван Итулович Белеков төлээлээн.
 Шолбан Кара-оол биле Иван Белеков регионнарга туризмни сайзырадыр айтырыгларны, Сибирьниң эвээш санныг тус черниң чурттакчыларын кадагалап, деткиир теманы чугаалашканнар. Төрел чоннарны каттыштырарынга «Хөөмей – Азия төвүнде» бирги бүгү делегей чергелиг фестивальды организастап, эрттирип турары чугула-дыр деп, Алтай Республиканың Эл-Курултай күрүне чыыжының даргазы демдеглээн. «Хөөмей – муң чылдарның дургузунда бистиң чоннарывыстың сагыш-сеткилин каттыштырган» - деп, Иван Белеков чугаалаан.

Возврат к списку