Россияның Энергетика яамызындан ажылчын бөлүк Тывага кээр

  Россияның энергетика сайыды Александр Новактың даалгазы-биле бо неделяда Тывага Россияның энергетика яамызындан ажылчын бөлүк келир. Чоокта чаа Тываның Баштыңы Шолбан Кара-оол-биле ажыл-агыйжы ужуражылганың түңнелдери езугаар ындыг айтыышкын хүлээп алдынган. Федералдыг яамының төлээлери-биле 2020 чылга чедир республиканың электроэнергетика хөгжүлдезиниң схемазынга база программазынга дүүштүр республиканың болгаш Кызылдың чылыг хандырылга системазын хөгжүдериниң комплекстиг хевирлериниң айтырыгларын сайгарып чугаалажыры планнаттынган. Тываның Баштыңы Шолбан Кара-оол «Западная», «Городская», «Южная» белдир подстанцияларны эде чаартыр айтырыгларже аңгы кичээнгейни углаан. 

 Республиканың Баштыңы Шолбан Кара-оол айтырыгларны чиге тодарадыры-биле, Россияның энергетика яамызының делегациязы-биле кады ажылдаар шөлдерни белеткээр даалганы харыысалгалыг оралакчыларынга берген.