Күрүне Думазының депутады Д. Хубезов бирги эмчи дузазын чедиреринге мастер-класстарны эрттирген

Тываның Баштыңы Владислав Ховалыг чаңгыс партийжилери – Күрүне Думазының депутаттары Дмитрий Хубезов база Айдың Сарыглар-биле ужурашкан.

Россияның Күрүне Думазының кадык камгалал комитединиң удуртукчузунга ажылдаан медицина эртемнерниң доктору, тускай шериг операциязының киржикчизи Дмитрий Анатольевич Хубезов Думада Тываның депутады Айдың Сарыглар чалалгазы-биле кайгамчык чараш черде келгенин чугаалааш, тыва чоннуң эвилең-ээлдээн демдеглээн.

Арга-дуржулгалыг ийи эмчи Кызылда Аныяктар ордузунга эмнелге черлери база өөредилге организациялары, корум-чурум тудар органнар база эки турачы каттыжыышканнар төлээлери-биле ужуражып, бирги эмчи дузазын көргүзеринге мастер-классты эрттиргеннер. Озал-ондактыг хай-халап болган таварылгаларда бирги эмчи дузазын үе шаанда шын чедиргенинден, кижиниң амы-тынын камгалап алыры дыка хамааржырын Дмитрий Анатольевич тайылбырлаан. Бо билиглерни билири кайы-даа үелерде ажыктыг дээрзин угааткан өөредигни берген.

Тываның Баштыңы республиканың эмнелге албан чериниң ажылдакчыларга эргежок билиглерни база катап сагындырып, практиктиг кичээлдерни эрттирип чоруур, херек буянныг иштиг маадырлары эмчилерге база чаңгыс үзел-бодалдыг партийжи эштеринге четтиргенин илереткен.

Дмитрий Хубезов эмчи дузазы чедирип, доктаамал аай-дедир чоруп турарындан комитет даргазы албан-хүлээлгезин хүлээткеш, “Чаңгыс демниг Россияның” гуманитарлыг ажыл-чорудулгазы-биле волонтер эмчилерни ажылын дүүштүрер ажылды бодунда хүлээнип алганын сагындыраал.

Мастер-класстың киржикчилери сертификаттарны алган.