Республиканың арга-арыг девискээрлеринде арга-арыг аарыгларынга мониторингини эгелээн
23.05.2024
«Росарга-арыг камгалалының» филиалы - «Тыва Республиканың арга-арыг камгалалының төвү» арга-арыг аарыгларның талазы-биле специалистери бо чылын күрүнениң арга-арыглар аарыгларынга мониторингиниң бөлүк хемчеглерин эрттирер.
1160 муң га шөлдүг арга-арыг девискээринге чер кырынга доктаамал хайгааралдарны эрттирер. 21 аңгы маршрутка хоралыг хээкчи организмнерниң нептерээнин хайгаараар. Ындыг хайгааралдарның сорулгазы – аарыгларның нептереп тараан кол черинге хээкчилерниң чижеглээн сан-түңүн үндүрүп, демдекти салыры.
15700 га шөлдүг арга-арыгның санитарлыг болгаш аарыг байдалын черден шинчилээринге шилип алган. Ооң түңнелинде, когараан арга-арыг ыяштарының байдалын экижидери негеттинип турар участоктар тодараттына бээр. Ол ышкаш хээкчилер санында өскерлиишкиннерни, арга-сүмелерни баш бурунгаар айтырынга, хоралыг организмнерниң үнген дөзүн тодарадып демдеглээринге ажыктыг.
8589,4 муң га шөлде арга-арыгның санитарлыг болгаш патологтуг байдалынга демдекти үндүрер. Ону арга-арыгның кадык, кошкак, кемдээн болгаш өлген ыяштарның дугайында баазазын тургузарынга ажыглаар.
«Күрүне чагыын күүседир мурнунда филиалдың шупту специалистери коллективтиг белеткелге киржир – ажылдарны чорударынга чөпшээрелди ооң түңнелдери-биле бээр» - деп, республиканың арга-арыг камгалалының төвү чугаалаан. Арга-арыг хээкчилериниң болгаш аарыгларының хоразын болдурбас база ону эвээжедир дээш арга-арыг аарыгларынга мониторингини эрттирери чугула.
Возврат к списку
|