Тыва тележурналистиканың хоочуну Наталья Ивановна Принцева мөчээн

Тываның Баштыңы Владислав Ховалыг база республиканың Чазаа республикада билдингир тележурналист, "Тыва" КТРК-ның хоочуну Наталья Ивановна Принцеваның мөчээни-биле төрээн болгаш чоок улузунга ханы кажыыдалын илередип тур.

Наталья Ивановна 1951 чылдың ноябрь 20-де Кызыл хоорайда башкы өг-бүлеге төрүттүнген. Кызылдың күрүнениң башкы институдун дооскаш, Тыва телевидение студиязынга ажылдап кирген. Режиссернуң дузалакчызындан эгелээш, режиссерга чедир “өскен”, оон ниитилел-политиктиг дамчыдылгалар редакторунга ажылдаан. Орус дылда “Азия төвү” информастыг-аналитика программазының башкарыкчы режиссеру чораан. Авторнуң башкарып эрттиргени «Экосфера», «Дорога в никуда», «Следует жить», «Есть проблема», «Моя милиция», “Консультация врача», «Мемуары» дээн темалыг программаларын көрүкчүлер сактып арткан.

Бирги тыва тележурналистерниң көскү төлээзи деп ону адап болур. Наталья Ивановнаның бедик профессионал мергежилин, бодунуң ажыл-херээн билирин, шынчызын болгаш харыысалгалыын, быжыг билиглиин эш-өөрү демдеглээрлер. Эш-өөрүнүң болгаш чоок улузунуң сагыш-сеткилинде чөптүг чорук дээш кезээде туржуп чоруур кижи кылдыр арткан.

Наталья Ивановна Принцева-биле байырлажылга езулалы майның 16-да 12-13 шак аразында Рабочая кудумчузунда чарлыышкын залынга болуп эртер.