Кызылга Ада-чурттуң Улуг дайынынга Тиилелгениң 79 чылын байырлаарының программазы

Тывага Ада-чурттуң Улуг дайынынга Тиилелгениң 79 чылын байырлаарының программазында маадырларга сактыышкынның патриотчу акциялары, темалыг концерттер, театржыткан көргүзүглер, Ада-чурт дайынының хоочуннары-биле ужуражылгалар, спортчу, культура-массалыг болгаш онлайн-хемчеглер кирген.

Майның 9-та, эртенгиниң 10 шакта, Кызыл хоорайның Арат шөлүнге Тиилелге хүнүнге тураскааткан шериг чыскаал эртер. «Өлүм чок полк» чаңчылчаан сактыышкын акциязы хоорай кудумчуларынга чыылбайн, офлайн база онлайн хевирге болур. Акцияга киржирде хоочуннуң чуруун үндүргеш, машинага азы хевинге чыпшырып алгаш, «Өлүм чок полк» сайтызында хоону шилип, чурукка маадырның ат-сывын, чурттап чораан айтып, салыр.

Соцчеткилерге улуг флешмобнар планнаттынган: боттарының өгбелериниң чуруктарындан аңгыда, амыдырал-чуртталгазының болгаш маадырлыг чоруунуң дугайында төөгүнү #нашБессмертныйПолк хештегтиг парлаар. Ада-чурттуң Улуг дайынының маадырларының фоточуруктарын «Өлүм чок полк» сайтыга дамчыдар.

Май 9 байырлалының программазы

Май 6
Бичии хөөмей күүседикчилерниң «Сарадак - 2024» XVIII республика мөөрейи - Тыва үндезин культура төвүнге;

Май 7
17.30 – «Өндүр ол чылдарга мөгейдивис...» байырлал концерти - А.Сафьянов аттыг Орус культура төвүнге;
«Хоочуннуң бажыңының баарынга» деп бүгү-российжи акция - Ада-чурттуң Улуг дайынының хоочунунуң чурттап турар черлеринге;

Май 8
10.00 – Ада-чурттуң Улуг дайынынга Тиилелгениң 79 чылынга тураскааткан байырлыг митинг, Тиилелге шөлүнге;
11.00 – Ада-чурттуң Улуг дайынынга Тиилелгениң 79 чылынга тураскаадып чечектер салыр езулал, Кызыл-Кош тураскаалынга;
11.30 – Ада-чурттуң Улуг дайынынга Тиилелгениң 79 чылынга тураскаадып чечектер салыр езулал, Тыва эки турачылар тураскаалынга;
12.00 – Тыва Республиканың Баштайгылар шимчээшкининиң төөгү кадагалакчыларының Тиилелге хүнүнге тураскааткан следу, Тиилелге шөлүнге;
14.00 – Тиилелге хүнүнге тураскааткан байырлал концерти, А.Б. Чыргал-оол аттыг Кызылдың уран чүүл колледжизинге;
16.00 – Ада-чурттуң Улуг дайынынга Тиилелгениң 79 чылынга тураскааткан байырлыг хурал, ТР-ниң Национал театрынга;

Май 9
9.45 – Россия Федерациязы биле Тыва Республиканың күрүне туктарын көдүрер езулал, ТР-ниң Чазак бажыңының баарынга;
10.00 – Ада-чурттуң Улуг дайынынга Тиилелгениң 79 чылынга тураскааткан Тиилелгениң шериг парады, Арат шөлүнге;
11.00 – «Хоочуннарга мөгейиг» деп Ада-чурттуң Улуг дайынынга Тиилелгениң 79 чылынга тураскааткан байырлал концерти, Арат шөлүнге;
11.40 – «МуZыка о СVОих» деп тускай шериг операциязының дугайында чаа ырылар фестивалының тиилекчилериниң концерти, Арат шөлүнге;
12.00 – «Солдат каша» акция, «Азия төвү» скульптурлуг комплекске;
18.00 – «Дуруяалар» деп шии, ТР-ниң Национал театрынга;
13.00 – Ада-чурттуң Улуг дайынынга Тиилелгениң 79 чылынга тураскааткан республиканың тыва хүреш маргылдаазы, В. Биче-оол аттыг «Хүреш» стадионунга;
Бүдүн хүн дургузунда – Тиилелге хүнүнге тураскааткан чогаадыкчы ажылдар делгелгези, ТР-ниң Национал парыгынга;
«Тиилелгелиг чанып келдим» патриотчу декада: Россияның дайынчы алдар хүнү. 1941-1945 чылдарда Ада-чурттуң Улуг дайынында Тиилелге хүнү.
Т.Б. Кечил-оолдуң 110 харлаанынга тураскааткан темалыг комплекс, «Фронтучу чогаалчылар» делгелге, ТР-ниң Национал музейинге;

Май 10
10.00 – школачылар ортузунга каратэ маргылдаазы, Кызылдың 17 дугаар школазының спорт залынга;
12.00 – чурттакчылар аразынга стритбол, минифутбол маргылдаалары, Ангарский кудумчузунда спортчу шөлге;

Май 12
12.00 – бажыңнар девискээриниң аразынга воркаут, Кызыл хоорайның Аныяктар сесерлиинге.