Россияның бойдус курлавырлары болгаш экология сайыды Александр Козлов ажыл аайы-биле Тывада келген

Тывада келген Россияның бойдус курлавыры болгаш экология сайыды Александр Козлов-биле кады элээн каш айтырыгларны сайгарып көөрүн Тываның Баштыңы Владислав Ховалыг дыңнаткан.

«Экология» национал төлевилелдиң «Арыг агаар» федералдыг төлевилелди Кызылга боттандырарының планын мурнады сайгарып көөр бис. Регионнуң найысылалын көөрүнге эптиг чер - Кадарчының чанынче үнүп чордувус. Эрткен чылдың сентябрьдан бээр Кызылдың база ол чоок-кавының агаарын шинчилеп турар. Төлевилелдиң практиктиг кезээнде хоорайга экологтуг чылыг бээр дөстерни ажыглалче киирерин, ол ышкаш хоралыг ыш дээш квотаны көрүп турар» - деп, Владислав Ховалыг демдеглээн.