Чазак Даргазы Владислав Ховалыг Шагаан-Арыгның ЧЭТ-ке онза байдал үезинде когараан улустуң төрелдери-биле ужурашкан

Тываның Баштыңы Владислав Ховалыг, Тываның прокурору Сергей Дябкин, Тывада кол федералдыг инспектор Александр Вавилихин олар Шагаан-Арыгның ЧЭТ-ке онза байдал үезинде когараан улустуң төрелдери-биле ужурашкан.

Россияның Кадык камгалал яамызының деткиишкини-биле 8 когараан кижини бедик шынарлыг эмчи дузазын көргүзери-биле крайның күрүнениң клиникчиг эмнелгезинде өртең төвүнче Россияның ОБЯ борту-биле чедиргенин сагындыраал.

Ужуражылга үезинде когарааннарның өг-бүлелери чоок улузун көрүксеп турарын чугаалаан. Билдингир дүрүмнер ёзугаар реанимацияда чыдар күштүг өрттенген аарыг кижилерже эмчилер өске улус киирбес бооп турар.

“Чүс-чүс километр ыракта турар өг-бүлелери чоок улузунуң кадыының байдалынче улуг сагыш човаашкынныг турар. Оларның дүвүрелин кончуг эки билип тур мен. Когарааннарның чыдар эмнелгези-биле долгажыры көрдүнгенинден хөй негеттинип кээр чадавас. ТР-ниң кадык камгалал сайыды Анатолий Югайга клиниканың удуртулгазы-биле кады ажылдажылганың эптиг аргаларын дугуржуп, ынаар бистиң эмчилерни чорударының дугайында чугаалар кылырын сүмеледим. Болдунар арга тургустунуп кээрге-ле, чоок улузу-биле төрелдери ужуражып болур.” - деп, Тываның Чазак Даргазы соцчеткиде бодунуң блогунга бөгүн бижээн.

Тываның Кадык камгалал яамызы Шагаан-Арыгга ОБ-да когаараан кижидерниң байдалын краснояржы эмчилерден доктаамал айтырып турар. Республика эмнелгезиниң токсикология, өртең база травматология салбырларында алды кижи эмнедип чыдар. Бир кижини эмнегледен үндүр бижээш, эмчилерниң амбулаторлуг хайгааралдында алган.

Республиканың прокурору Сергей Дябкин-биле бүдүрүлгеге онза байдалдар үезинде когараан улуска кандыг камгаладылгалар болгаш чиигелделер көрдүнгенинге хамаарышкан айтырыгларга харыылаан.