Марттың 8-зинге тураскааткан хемчеглерни хөйү-биле организастаан

Бо неделяда частың башкы байырлалы - Марттың 8-зинге тураскааткан байырлалдың хемчеглери хөйү-биле эртер.

Хоорай болгаш кожуун библиотекаларның ажыдакчылары лекциялары, ном болгаш чуруктар делгелгелерин организастаар. Өг-бүлеге болгаш уругларга социал дуза төптери учетта өг-бүлелерже хыналдалыг үнүүшкүннерни чорудар. Бажың интернаттарда социал дуза алыкчыларының кылган ажылдарын делгеп, темалыг мастер класстарны эрттирер.

Бо хонуктарда психологтарның ажылы чымыштыг – ада-иелерге болгаш элээдилерге, ада-иезиниң хайгарааралы чок арткан уруг-дарыгны бодунуң өг-бүлезинче ап алырын планнап турарларга консульатацияларны база психологтуг-педагогиктиг дузаны көргүзер. 

Тываның Экономиктиг сайзырал база үлетпүр яамызы тыва тон даараарынга мастер-классты организастажыр. Ук хемчег Эки турачылар кудумчузунда 18 дугаарлыг бажыңда «Центр» коворкинге болуп эртер.

Тываның Кадык камгалал яамызы аңгы-аңгы темалыг дорт дамчыдылгаларны, херээженнерге консультацияларны, нарколог база психиатр эмчилерниң “чажыт” консультацияларын организастаар.

Марттың 6-да, «Гаруда» садыг бажыңының чанынга көжүп чоруур маммограф машинага шинчилгени эртип ап болур.

Марттың 6-да, «Сферум» шөлчүгежинге, «Кыстың чаражы – иениң бүдүжүнде» деп аттыг республканың ада-ие өөредилгези болур.

Херээжен чон марттың 5-тен 9-ка чедир Иван Ярыгин аттыг спортчу комплекске, кожууннарга ГТО нормазын дужаап болур. «Субедей» спорт комплекизинге херээжен командалар аразынга мини-футболга республика маргылдаазы болуп эртер.