Президент Владимир Путин ай санаашкыны-биле Чаа чыл биле Ак айның байырлалы-биле Россияның буддистеринге байырын чедирген

Буддизмниң эдерикчилеринге ай санаашкыны-биле Чаа чылды байырлаары өгбелерден дамчып келген ужурларны кадагалап арттырып, чырыдыышкын ажылын чорудуп, ниитилелде ханы билчилгени магадылап, тускай шериг операциязының киржикчилерин деткип турарын көргүзүп турарын Владимир Путин байыр чедириишкининде демдеглээн.

Президент российжи сарыг шажын чүдүкчүлеринге чедиишкиннерни, кадыкшылды база аас-кежикти күзээн. Күрүне баштыңының чурттуң буддистеринче дамчыткан байыр чедириишкинин Кремльдиң сайтызынга салган.

«Сарыг шажын чүдүкчүлеринге бойдустуң болгаш кижиниң чаартылгаларын илереткен байырлал чаагай өскерлиишкиннерни база идегээшкиннерни, билчилгени база угаан-бодалдың арыг-чаагайынче чүткүлдү көргүзүп турар» – деп, РФ-тиң президентизи бижээн.