Тываның Аныяктар херектериниң талазы-биле яамының удуртукчузунда Субудай Оюнну томуйлаан

Аныяктар херектериниң талазы-биле агентилелди яамы кылдыр катап эде тургузуп тура, сайыттың албан-дужаалынга кордакчы Субудай Оюнну деткээнин Тываның Баштыңы Владислав Ховалыг дыңнаткан. Субудай Оюн мооң мурнундареспубликаның спорт сайыдының оралакчызынга ажылдап турган. Көдэ аныяктар-биле сырый кады ажылдаар даалганы чаа удуртукчуга берген.

Владислав Ховалыг эрткен пятницада ТР-ниң Дээди Хуралынга Айыткалында Аныяктар херектериниң талазы-биле агентилелди яамы кылдыр эде тургузары эргежок чугула апарганын дыңнаткан турган.

- Чурттакчы чоннуң демографтыг көргүзүүнден алырга, ол «аныяксаан» болганда, ажыл-чорудулганың мурнады боттандырар угланыышкыннары аныяктарның хереглелдеринге дүүшкен турар ужурлуг. Күш-ажылды суртаалдап, идепкейжи болгаш инициативтиг аныяктарны деткиир –деп, бодунуң шиитпирин ол чарлаан.

Оюн Судубай Викторович 1990 чылдың август 18-те  Тес-Хем кожууннуң Самагалтай суурга төрүттүнген. Уралдың күрүнениң юридиктиг академиязын тергиин өөредилгелиг дооскан. Чеди чыл иштинде мергежилинге - юристеп ажылдаан. Күрүне эрге-чагырга системазында дөрт чыл ажыг ажылдап турар.

Владислав Ховалыг чаа албан-дужаалга чедиишкиннерни, идепкейжи болгаш инициативтиг ажылдаарын аңаа күзээн.