Тываның орук ажыл-агый албаннары улуг хар дүшкенинден оперативтиг дежурныйлаашкынче шилчээн

Республиканың улуг хар дүшкен төп кожууннарының база федералдыг Р-257 «Енисей» дургаар оруктарны хайгааралда алган. Тываның Баштыңы Владислав Ховалыг ырак-узак оруктарже үнерин шеглээрин чолаачыларга сагындырган. Ооң даалгазы езугаар регионалдыг орук-транспорт комплекизиниң яамызы орук албаннарын оперативтг дежурныйлаашкын чурумунче шилчиткен.

Тываавтодорнуң опреативтиг дыңнадыындан алырга, республиканың автооруктарын сес орук организациялары хандырып турар. Автооруктар участоктарын аштап, үстүрүп турарындан чүгээр.

Бо хүнде республикада Каа-Хем кожууннуң Каа-Хем хемни кежир 10 тонна чүък эртип болур «Бельбейская» дош кежиг ажыттынган. Каа-Хем, Тожу кожууннарда 94 км узун «Бояровка – Тоора-Хем» орукта, Эрзин кожуунда 80 км узун «Цаган-Тологой – Качык» орукта ийи автотурлагны ажылдаткан.

Республиканың регионалдыг болгаш муниципалдыг автооруктарында байдал дугайында чаа медээлерни бо - 8 (39422) 2-11-08 (205), соталыг 8-929-358-09-11 телефоннардан билип ап болур. А бо - 8 (391) 265-01-12 телефондан – «Кызыл – Абакан», «Кызыл – Чадаана – Хандагайты» федералдыг оруктарда байдалдың информациязын ап болур.