Тываның көдээ ажыл-агый болгаш аъш-чем сайыдының албан хүлээлгезин күүседир кылдыр Юрий Оруспайны томуйлаан

Тыва Республиканың ветеринария албанын удуртуп турган Юрий Делгер-оолович Оруспай декабрьның 1-ден Көдээ ажыл-агый яамызын баштаар.

Юрий Оруспай 1988 чылда Москваның ветеринария академиязының «Ветеринария» мергежилиниң «Мал эмчизи» квалификациялыг дооскан.

1988 чылда күш-ажылчы оруун Жданов аттыг совхозка «кол мал эмчизи, зоотехник-бригадир» албан-дужаал-биле эгелээн. 1990-1992 чылдарда Улуг-Хем кожууннуң Ак-Тал совхозка кол мал эмчилеп, малчыннап ажылдаан. 1993 чылда – республиканың ветеринария лабораториязының паразитолог ветеринар эмчизи. 1994 чылдан 2018 чылга чедир «Эне-Сай» тараачын-арат ажыл-агыйының даргазы, «Зооветснаб» КБ-тиң арбитраж башкарыкчызы, «Эне-Сай» тараачын ажыл-агыйның баштыңы, Тыва Республиканың Ветеринария эртем-шинчилел лабораториязының эртем ажылдакчызы, Тыва Республиканың ветеринарлыг болгаш фитосанитарлыг хайгаарал албанының удуртукчузунуң оралакчызы.

2018-2020 чылдарда Тыва Республиканың Көдээ ажыл-агый болгаш аъш-чем яамызының сайыдының оралакчызы, 2021 чылдан 2023 чылдың декабрьга чедир – Тыва Республиканың ветеринария албанының удуртукчузу.

Албанның удуртукчузунуң оралакчызы албан-хүлээлгени күүседип турган Алексей Михайлович Ооржак Тыва Республиканың Ветеринария албанының удуртукчузунуң албан-хүлээлгезин күүседир кылдыр томуйлаткан.