Тывада эпидсезон эгелээнден грипптен аараан чаңгыс-даа таварылга демдеглеттинмээн

Тывада эпидемиологтуг сезон грипптээн чаңгыс-даа таварылга чокка эртип турар. Аппарат хуралында Росхереглел хайгааралының террриториалдыг эргелели сезоннуң түңнелдериниң дугайында дыңнадыгны республика баштыңынга дамчыткан.

Эргелелдиң медээзи-биле алырга, ноябрьның 27-ге чедир республикада ОРВИ-лээн 324 таварылга бүрүткеттинген. Эрткен неделяга деңнээрге өзүлде 6,2 хуу. Эрткен неделяда аараан кижилерниң 16,4 хуузун, азы 53 кижини эмнелгеде чыттырган. Оларның көвей кезии 14 харга чедир уруглар – 41 кижи болган.

ОРВИ-ден аңгыда, COVID-19 аараан кижилер илереттинген – эрткен неделяда чаа коронавирус инфекциязы 29 кижиден тыпкан: 15 улуг улус база 14 – уруглар. Ооң мурнунда неделяга бодаарга, ковидтен аарыыры 11,5 хуу өскен.

Коронавирустаан 14 кижини эмнелгеде чыттырган, аарыг улустуң байдалы ажырбас. 34 кижи амбулаторлуг эмнээшкинде. COVID-19-тан аараан кижилерге 10 орунну немей салган. Херек апаар болза, тускай салбырны ажыдып, оруннар санын 436 чедир салырынга белен.

Бо хүнде Тывада гриппке удур 160,2 муң кижи, азы чурттакчы чоннуң чартык кезии тарыткан. Ниити тарылга планының ол амдыызында 80,3 хуузу болуп турар.