Тываның Баштыңы Владислав Ховалыг РФ-тиң Үндезин Хоойлузун билиринге бүгү-российжи тестни эрткен

«Чаңгыс партийжилеримниң төлевилелин деткип, бистиң чурттуң кол хоойлузун билиринге бүгү-российжи конкурска кириштим – деп, Тываның Баштыңы чугаалаан. - Конституцияның юбилейлиг чылынга тураскааткан #ЕдинаяРоссия –ның калбак чырыдыышкын акциязының ол чүгле хензиг кезии-дир».

Владислав Ховалыг тестлерни чедиишкинниг эрткеш, кол документини тергиин эки билирин бадыткаан электроннуг сертификатты алган.

«Чаңгыс демниг Россия» партияның эгелээни «Россияның Конституциязының 30 чылы — бодуңну хына!» бүгү-российжи конкурска киржиринче Россия Федерациязының 18 хардан өрү назылыг күзелдиг хаматыларын чалаан.

Конкурс онлайн хевирге эртер, constitution.er.ru сайтыда элээн каш харыылар саналдаан он айтырыгга тестини ноябрьның 25-ке чедир эртер. Айтырыгга харыыларны 10 минута иштинде бээр. Киржикчи кижи тестини чүгле чаңгыс катап эртер.

Ноябрьның 30-ге чедир конкурстуң түңнелдерин үндүрер. Эң-не кыска үе иштинде шупту айтырыгларга шын харыылапкан кижилер аразындан 10 тиилекчи илереттинерин организаторлар дыңнаткан. Шаңнал фондзу – 1 500 000 рубль; тиилекчилер өртектиг белектерни алыр.

«Чаңгыс демниг Россия» партияның тыва регионалдыг салбыры чурттуң Үндезин Хоойлузунуң 30 чылынга бо конкурстан аңгыда, республиканың өөредилге организацияларының улуг классчыларынга «Кол чүүл дугайында чугаалар» деп элээн каш кичээлдерни, шупту деңнелдиң депутаттары болгаш партияның тус чер салбырларның күүсекчи секретарьлар киржилгези-биле студентилерге лекцияларны номчууру планнаттынган.