Тываның Баштыңы Владислав Ховалыг Россияның чырыдыышкын сайыды Андрей Николаев-биле ужурашкан

Владислав Ховалыг Москавага сургакчылап чорааш, Россияның чырыдыышкын сайыды Андрей Николаев-биле ужурашкан. 2024 чылда дужаарын планнаан республикада чаа тудуглар дугайында чугаалашкан.

«Чырыдыышкын яамызынга республикада амгы үениң өөредилге инфраструктуразын хөгжүдер талазы-биле чүнү кылырывысты база өске ведомстволарга чорудар консультацияларывысты ылавылап, чугаалаштывыс» - деп, Тываның Баштыңы бодунуң арынынга бижээн..

Амгы үеде Тывада 11 школа тудуу чоруп турар. Тудугжулар бо чылын Балгазында, Сукпакта, Кызылдың Вавилин ээтпээнде база Бай-Хаакская кудумчузунда дөрт школаны доозуптар планныг. Тываның Баштыңы Москваже чоруур бертинде үш школаны хынап четкен. Объектилерде тудуг ажылдары адакталып келенин ол дыңнаткан.

«Үш шөлдүң тудуглары элээн каш угланыышкыннарны - иштики, даштыкы шеверлел ажылдары, спортчу дериг-херекселдерни эптээри, чоок-кавы девискээриниң чаагайжыдалгазын хары угда чорудуп турар. Ажылчыннар сөөлгү ээлчегниң ажылдарын сооктар дүшпээнде бир дугаарында доозуптар планныг. Арткан ажылдарда үе эвээш артканын ол сагындырган. Үш школаны база Балгазынды дөрт дугаар объектини чыл төнчзүнге чедир доозар ужурлуг бис» - деп Тываның Баштыңы социал четкилерде бижээн.

Ол школаларга өөредилге чорудуун бо өөредилге чылының үшкү улдуңунда эгелээрин планнаан. Регионалдыг өөредилге яамызының айтыканы болза, республикага үш муң ажыг өөренир олуттар немежир. А 2024 чылда арткан школарын тудуп доозуптарга, баз дөрт муң хире олутар немежир.

Владислав Ховалыг Андрей Николаев-биле ужуражылга үезинде, 2025 чылда эде чаартырын планнаан регионда уруглар садтарын болгаш ортумак өөредилге черлеринге ажылды эгелээрин база чугаалашкан. Тываның Баштыңының даалгазы-биле регионалдыг өөредилге яамызы объектилерниң байдалын хынап эгелээн. Ол угланыышкында акша-хөреңгини камгалап алыры-биле регион идепкейлиг ажылдап турар.