ТР-ниң күрүне органнарынга стажировкалаарынче аныяк специалистерни чалап тур

Тыва Республиканың Баштыңының Администрациязы база Тыва Республиканың Чазааның Аппарады Тыва Республиканың Баштыңының Администрациязынга база Тыва Республиканың Чазааның Аппарадынга, Тыва Республиканың күүсекчи эрге-чагырга органнарынга стажировка эрттирер аныяк специалистер шилилдезиниң конкурузунга киржир документилер хүлээп алыышкынын чарлаан.

Конкурска киржир кордакчыларга дараазында негелделерни салган:

Россия Федерациязының 35 хар чедир назылыг, дээди эртемниг, Россия Федерациязының күрүне дылдарын билир хамаатызы конкурска киржип болур.

Конкурска киржир күзелдиг кордакчы комиссияже дараазында документилерни киирер:

1) Тыва Республиканың Баштыңының 2017 чылдың март 17-де № 62 чарлыы-биле бадылаан Тыва Республиканың Баштыңының Администрациязы база Тыва Республиканың Чазаанга, Тыва Республиканың күүсекчи эрге-чагырга органнарынга аныяк специалистерге стажировка эрттирериниң чурумунуң дугайында дүрүмнүң (дараазында – Дүрүм) №1 капсырылгазы езугаар кордакчылар конкурска киржириниң дугайында билдириишкинни;

2) Дүрүмнүң №2 капсырылгазы езугаар бодунуң дугайында медээлерни чыып-ажылдаарынга чөпшээрелди;

3) Дүрүмнүң №3 капсырылгазы езугаар чуруктуг анкетаны;

4) паспортунуң азы ол документини солаан документизиниң хоолгазын (конкурска келгеш, чогуур документизин боду көргүзер);

5) чогуур эртем-билиин, квалификациязын болгаш ажыл стажын бадыткаан документилерин:

- эртем-билииниң болгаш квалификациязының дугайында документилериниң хоолгаларын, ол ышкаш немелде профессионал өөредилге үезинде билиин бедиткен азы квалификация тывысканын бадыткаан документилериниң, эртем чадазы, эртем ады тывыскан дугайында документилериниң хоолгазын хамааты бодунуң күзели-биле киирип болур;

- нотариуска база ажылдап турар чериниң кадрлар албанынга бадыткаткан күш-ажыл дептериниң хоолгазы (албан (күш-ажыл) ажыл-чорудулгазын бир дугаар эгелеп турарлардан өскеде), азы күш-ажыл ажыл-чорудулгазының дугайында дыңнадыгны;
- шериг билединиң хоолгазын;

- кордакчы кижи өске-даа документилериниң хоолгазын күзели-биле киирип болур.

Документилер хүлээр чери, үези база хуусаазы: документилерни хүлээп алыр дугайында чарлалды парлаан хүнден эгелеп 21 календарлыг хүн дургузунда (2023 чылдың октябрьның 3-тен 23-ке (ол хүн база) чедир) дараазында адресте хүлээп турар: 667000, Тыва Республика, Кызыл хоорай, Чульдум кудумчузу, б. 18, байырлал болгаш дыштаныр хүннерден аңгыда, ажыл хүннеринде 8.30-17.30 шактарда (дүштеки чапсары - 13.00 -14.00 ш), дараазында телефоннар дамчыштыр баш бурунгаар бижидип алыр: (839422) 9-72-45, 9-72-46, 9-72-47.

Тодаргай медээлерни бо шөлүгде салган: : https://rtyva.ru/content/2588/.