Республиканың назы четпээннер херектериниң талазы-биле комиссия Тывада бичии уругларның киржилгези-биле видеога хамаарыштыр хыналдаларны эгелээн

Дүүн орайтадыр үнген видеода, социал албан чериниң кижизидикчилери магат чок. Улуг уругларның бичиилерин дорамчылаан болуушкунну тырттырганын видеону интернет ажыглакчылары сойгалаан.

Тываның вице-премьери Орлан Сарыгларның даалгазы-биле, Тыва Республиканың Чазаанда назы четпээннер херектериниң база оларның эрге-ажыын камгалаар талазы-биле ведомстволар аразының комиссия кежигүннери соцал албан черлерин хынап эгелээн. Комиссия кежигүннери албан черинге болган болуушкунну тодарадыры-биле үнүпкен.

- Тываның социал албан черлериниң бирээзинде назы четпээн уругну дорамчылаан фактыны хынаарын харыысалгалыг албан-хаакчыларга онаадым. Байдалды сайгарып көөр бис – деп, Орлан Сарыглар дыңнаткан.

Видеода тырттырган болуушкун болган социал албан черинче күш-ажыл болгаш социал политика сайыдының оралакчызы, өг-бүле болгаш уруглар айтырыгларын харыылап турар Чечена Дудуп база үнүпкен. Албан хыналдазының соонда, чогуур хемчеглерни хүлээп алырын Күш-ажыл яамызы дыңнаткан.

Тыва Республиканың ИХЯ база комплекстиг хыналда хемчеглерин эгелээн.