Тывада ЕГЭ-ни 100 санга кылган беш кижиниң дөртү – КПКУ сургуулдары
16.06.2023
Дүүн албан дужаар орус дыл шылгалдазынга Тывадан дөрт доозукчу эң хөй саннарны алганы билдинген.
Кызылдың 15 дугаар лицейиниң орус дыл башкызы Ольга Львовна Зеленованың белеткээни доозукчу Дарий Сарыглар, Кызылдың Президентиниң кадет училищезиниң башкызы Оксана Петровна Дэчмааның ийи өөреникчизи - Янзом Дакпа биле Вилория Сынан-оол, база ол-ла училищениң башкызы Октябрина Александровна Сааяның өөреникчизи Эртине Салчак олар чүс баллга кылганнар.
Кызылдың Президентиниң кадет училищезиниң база бир доозукчузу, вице-сержант Алим Саны-Хоо бо чылын ЕГЭ-ни 100 баллга дужааган бир дугаар өөреникчи болганын сагындыраал. Ол доозукчу чүгле школа эртеми эвес, а хоббизи апарган географияга шылгалданы тергиин эки дужааган. География башкызы Ирина Алексеевна Кучумова Вице-сержантыны белеткеп, доостурган.
Бо чылдың шылгалда кампаниязында региондан 100 баллдыгларның одуруунда ам беш кижи бар.
Шылгалдалар ам-даа уламчылап турар. Бөгүн база эртен даштыкы дыладраг, июньнуң 19 биле 20-де – информатикага база информастыг-коммуникация технологияларынга ЕГЭ-лер болур.
Возврат к списку
|