Тываның Чазаанга Федерация Чөвүлелиниң социал политика талазы-биле комитеттиң үнүүшкүннүг хуралы болуп эртер

РФ-тиң Федералдыг Хуралының Федерация Чөвүлелиниң даргазы Валентина Матвиенконуң даалгазы езугаар, июньнуң 8-10 хүннеринде комитеттиң үнүүшкүннүг хуралы болуп эртер. Комитеттиң даргазы Инна Святенко баштаан Федерация Чөвүлелиниң кежигүннери ажыл-агыйжы сургакчылаашкын-биле кадык камгалал, социал политика, спорт болгаш туризм адырында республиканың социал ужур-уткалыг чугула айтырыглары-биле таныжар. Республика Баштыңы Владислав Ховалыгның киржилгези-биле комитеттиң калбак хуралынга регионнуң социал-экономиктиг хөгжүлдезиниң онза чугула айтырыгларын сайгарып чугаалажыр.
Комитеттиң үнүүшкүннүг хуралының программазында республиканың эмнелге албан черлеринге, ооң иштинде Перинаталдыг төпке, «Серебрянка» реабилитация төвүнге, туттунуп турар «Чедер» кадыкшылга черинге база Каа-Хем суурда спортчу-культура төвүнге чедери көрдүнген.
Оон аңгыда Федерация Чөвүлелиниң комитет кежигүннери Социал ажылдакчы хүнүнге тураскааткан байырлыг хемчегге киржип, адырның ажылдакчыларын шаңнап-мактаар.
Федерация Чөвүлелиниң бюджет база саң-хөө рыноктарының талазы-биле комитет кежүгүнү, Тываның сенатору Дина Оюн социал комитет кежигүннери-биле кады үнүүшкүннүг хуралдың ажылынга киржир.