«ЗаБег.РФ» бүгү-российжи чартык марафоннуң Тывада киржикчилерин бүрүткеп эгелээн

11.05.2023

Бо чылын «ЗаБег.РФ» бүгү-российжи чартык марафонну июнь 4-те чеди дугаар эрттирер. Тываның Спорт яамызының спортчу хемчеглер эргелели 1, 5, 10 база 21,1 км хемчээлге маңнаар күзелдиг шупту кижилерни чалаан. Майның 29-ка чедир дараазында адреске келгеш, баш бурунгаар бүрүткедир: Кызыл хоорай, Интернациональная кудумчузу, б. 1, «Советтиг Тываның 5 чылы» стадион.
Майның 30-ден июнь 2-ге чедир, 10:00 - 18:00 шактарда, бүрүткеткен киржикчилер старт пакеттерин айыткан адрестен алыр. Старт дээш дадывыр 350 рублей.

2023 чылдың июнь 4-те маргылдаа хүнүнүң программазы:
• 11.00 - старт-финиш хоорайжыгажының ажыдыышкыны, хеп уштур болгаш шыгжадыр черлер ажылын эгелээр;
• 12.30 – байырлыг ажыдыышкын;
• 13.00 – чартык марафоннуң старты (21 км, 5 км хемчээлдерге);
• 13.20 – 10 км чарыжының старты;
• 13.40 – 1 км чарыжының старты;
• 13.50 – концерт программазы;
• 15.00 – тиилекчилерни шаңнап мактаары;
• Фиништиң хаашкыны. Чартык марафон хемчээлин эртирер үези  – стартты хаарынга чедир 3 шак ишти.

Тываның Спорт яамызының спортчу хемчеглер эргелели 18 хар четпээн киржикчилер ада-иезиниң азы хоойлу езугар төлээзиниң саазында бижээн чөпшээрели база кадыының дугайында бижии-биле маргылдааже кирерин дыңнаткан.
Маргылдааның онлайн-дамчыдылгазын  https://runreg.ru/u.php?ul=8344 шөлүгге дамчыдар.
Эрткен чылын Кызылга болуп эрткен чартык марафонга  1000 кижи бүрүткеткен, финишке 775 кижи маңнап келген.