Владимир Путин Тываның чурттакчыларынга Тубден Шедруб Линг хүрээниң ажыттынганы-биле байырын чедирген

Россияның президентизи Владимир Путин бөгүн Кызыл хоорайда “Тубден Шедруб Линг” сарыг шажын хүрээзин ажыткан төөгүлүг болуушкун-биле байырлыг езулалдың киржикчилеринге болгаш республиканың чурттакчыларынга байырын чедирген.

Хөй чылдар дургузунда чоннарның эп-найыралын болгаш билчилгезин быжыглаан бурун чүдүлгениң ыдыктыг эртинелеринче чүткүткен бистиң чуртувустуң буддийжи ниитилелиниң тургузукчу чаңгыс деминиң ачызында улуг ужур-уткалыг, төөгүлүг чугула эгелээшкин боттанганын президент демдеглээн.

"Чаа хүрээ өгбелерниң өнчү кылдыр артырып каан сарыг шажын чүдүлгезинче бир дугаарында аныяк-өскенни хаара тудар чурттуң кол буддийжи шажынчы, культура болгаш өөредилге төптериниң бирээзи апаарынга бүзүрээр мен. Улуг, байырлыг болуушкун-биле база катап байыр чедирип, быжыг кадыкшылды болгаш чедиишкиннерни күзедим!" – деп, Владимир Путин демдеглээн.