Тывага школа автобузу-биле орук-транспорт болуушкунунуң соонда эмнелгеже кирген ийи уругну бөгүн үндүр бижээн

Эрткен пятницада орук-ондал ондаанга таварышкан школачылар сегип турар. Дүүн ийи уругну катап шинчээн соонда республиканың 1 дугаар эмнелгезинден үндүр бижээн. Бөгүн дөрт кижини үндүр бижиир болза, бир кижи ам-даа эмнедип артар.
Кадык камгалал сайыды Анатолий Югай улуг кемдээн кижи чогун дыңнаткан. Орук озал-ондааның соонда дүрген эмчи дузазының албаны 18 кижини, ооң иштинде 16 элээди база 2 улуг кижини эмнелгеже чедиргенин сагындыраал. Шинчээн соонда тос оолду амбулаторлуг эмнээшкинче чорудуп, кемдеп-берттинген чеди уругну база бир улуг кижини – башкызын республиканың 1 дугаар эмнелгезинге чыттырган. Олар шупту ниити эмнээшкинни ап турар. А башкызы эмчилер хайгааралында эмнедип арткан.
Тываның өөредилге сайыдының албан-хүлээлгезин күүседип турар Елена Хардикова уруглар, оолдар бо чылын ОГЭ дужаар болганда, оларның сагыш-сеткилин көрбүшаан, шылгалдаларга таптыг белеткээрин Бажың-Алаак школазының башкыларынга дааскан.
“Бир эвес херек апарза, уругларга болгаш ада-иелерге психологтуг дуза албанын кожар. Айтырыгны контрольда алган бис” – деп, сайыт дыңнаткан.