Тыва хамнаашкын — «Моя планета» телеканалда

«Марк Подрабинек-биле кадр артындан» деп программаның бөлүүнде «Тываның чүдүлгези» деп бир шак үргүлчүлээн фильмни «Моя планета» телеканалга субботада көргүзүп эгелээн.Ол фильмни Мөңгүн-Тайга, Эрзин, Чөөн-Хемчик кожууннарга болгаш Кызыл хоорайга тырттырган. Ооң кол темазы — тыва хамнаашкынның чажыттары. Кол маадыр Лазо Монгуш хам болган. Марк Подрабинектиң Тывага башкарыкчызы сураглыг тыва режиссер Орлан Дамба-Хуурак болган.

Ол бөлүк фильмнерин бир дугаар тырттырып эгелээн чери Россияның регионнарындан Тыва болган. Автор бистиң республиканың ак-көк дээрин дыка-ла магадаан. «Ындыг дээр кажан-даа көрбээн мен» — деп, ол чугаалап турган.

Марк Подрабинек 1979 чылда Якутияга төрүттүнген. Ооң төрүттүнүп турар үезинде аңаа агаарның температуразы казыыр 63 градус турган. Ол кадыг-дошкун агаар ооң аажы-чаңынга салдарлыг болган-даа чадавас. Ол фото-чурук тырттырарынга сонуургалдыг апарган, Латин Американы эргип кезиир күзелдиг.

Чурукта: Марк Подрабинектиң "Тываның дүнеки дээри" деп фоточуруу